RyNa821 on Xanga

Weblog

Monday, 24 December 2007

Happy Gathering~~

wow~~我實在太太太懶lu, 好耐都無update過呢個blog添........
擒日同左YY, 貓貓, 小陶, 阿彤, 子田, Garie去左pizza hut食lunch ! 大家對我個b都"虎視眈眈", 哈哈~~ 我地又係例牌咁坐左成幾粒鐘.......... 我仲要勁大懵地記得帶水帶奶樽, 但最重要既奶粉盒就唔記得左帶...........死未?!!!!! 好彩約喺自己屋企樓下食, 即刻叫老公返屋企拎奶粉黎救駕, 有驚無險, 嘻嘻~~
俾張大合照大家睇下啦~~
(左起: Garie, 貓貓, 我, 老公, 晴晴B, YY, 小陶, 阿彤, 子田)

Wednesday, 28 November 2007

好耐無update~~

嘩~~原來我真係好耐都無update過呢個blog.........對上一次update已經係成個月前,宜家小B都已經滿左月有個幾月大喇!!!!至於我呢, 終於都坐完月, 經過之前俾我老爺奶奶極力催谷+中醫調理, 我既精神同面色都已經好左超多, 不過呢, 我既體重同身型亦都同樣暴漲左十萬倍, 家下虎背熊腰成個大山婆咁, 攪到我無哂心機連鏡同唔多想照...........各位朋友仔如果你地有乜減肥妙計不妨話我知, 等我試試!!
(啱啱滿月的晴晴B~)
(未修身的大山婆媽媽~)

Saturday, 20 October 2007

小B面世喇~~

各位親愛既朋友仔, 黃小B已經o係10月14號出左世喇!! 小B有2.805kg, 即係6磅幾, 醫生話佢既size係good fit呢, 所以我生佢既時候都唔算太辛苦! 小B同我都已經出左院喇, 我"漫長"既坐月時間亦已正式開始左....... 宜家我日日都要食好多野, 由朝食到晚, 食完就訓, 訓夠又食, 唔好話減肥修身, 我真係懷疑自己係將會肥過有左o個陣囉!! 不過學我媽話齋, 寧願坐月時肥d, 補好個身體, 坐完月先慢慢減都未遲(我媽仲話減唔到會俾錢我出去纖體......呵呵)! 如果坐月都唔好好補下, 身子弱左有排攪的, 加上我又成日暈, 更加要食多d野補充體力, 如果唔係就無力湊小B架喇!! 希望小B乖乖地, 健康d同埋唔好成日喊, 咁我就心足喇~~

Thursday, 04 October 2007

Are U ready??

話咁快就黃小B已經o係我肚仔成9個幾月(聽日37 weeks喇), 好快就要出黎同大家見面啦!! 基本上, 所有要入院既野都已經執好哂lu, 走佬袋都執左兩大袋, 一袋係入院時用的, 另一袋就係出院時去奶奶度用的! 不過因為越黎越近生小B既日子, 所以我最近一有時間就會check下有無野執漏! 呢兩日覺得自己之前新買既出院衫可能唔係太適合(因為唔知生完之後個肚會變細幾多, 但我揀既衫個肚位宜家著有少少窄), 於是決定搵多件鬆身d既衫出院以備不時之需 (其實都係諗住o係現有既大肚衫中是但搵一件, 無諗住買新衫)! 另外, 本來都諗住用媽咪送俾我既袋做奶粉袋, 但個袋咁靚拎黎粗用又好似好o徙, 所以一路都想搵個平平地+size大既袋for平時帶b出街用! 不過之前老公陪我睇過好多地方, 都係搵唔啱心水........
到今日同屋企人食完晏晝, 諗住行一陣商場當散步時, 終於俾我o係jusco買左個elle既黑色大袋做奶粉袋!! 個袋超大又輕身, 帶b野出街最good!!! 之後再俾我o係bluestar搵到件平靚正既鬆身衫, 仲要連媽咪都揀到件心水tee, 呵呵~~即刻飛快地拎住件衫去俾錢, 順便俾埋媽咪o個件tum下佢開心!! 就係咁, o係完全無諗住買野既情況下, 買到我想搵好耐既奶粉袋, 仲有件新衫添, 所以話, 有時你特登去搵一樣野, 係點都睇唔中揀唔到, 反而到你無心要買既時候, 佢就會出現o係你面前~~
<~~我既elle奶粉袋
P.S. 宜家入院生小B既野都準備得7788, 同時心理上+生理上都已經ready, 希望到時順順利利, 唔好要我痛咁耐, 小B安全到埗..............

Thursday, 27 September 2007

lunch with YY~~

擒日同左YY去食lunch, 因為我宜家腹大便便, 所以佢都超就我咁揀左我樓下間Cafe Lagoon食...... 由於之前一晚個肚仔同個胃都唔舒服, 所以我都唔敢亂試新野, 淨係叫左個穩穩陣陣既焗豬扒飯, YY就叫左咖哩吉列魚+雙腸, 好耐無去呢間野食飯, 今次食完又ok喎(9年前同屋企人去食過超唔ok, 所以對間野一直印象麻麻的), 不過如果係呢類餐廳我都係鍾意南風閣多d, 因為好食d! 食完又係例牌馬拉松式傾傾傾, 一坐又坐到4點幾5點......

食完野之後, YY陪我去吉之島行左一陣(嬰兒部again), 因為我想買套衫仔送俾友人, 結果揀揀下, 又揀左件俾黃小B (YY都有份一齊揀的), 之前話收手今次又忍唔到lu, 哈哈..... 不過我算叻啦, 因為我淨係買左一條裙仔咋, 而且條裙仔可以著到兩歲(我媽話的), 到小B大隻d仲可以用黎襯褲仔, 所以唔驚好快唔啱著~~嘻嘻
買完野之後, 我地又去左大眾"打書釘", 因我想幫黃小B改個英文名(好多幼稚園都request小朋友要有一個英文名....), 我地去搵左d英文名既書睇, 睇左超耐都係無乜心水, 有都俾威威reject哂!!!!!! 之後我同YY就各自返歸lu! 返到屋企之後, YY同我繼續努力, o係網上面d改英文名既網站度死搵爛搵, 但最終諗爆頭都係揀唔到一個啱心水既英文名俾小B............再次證明同人改個好名係超級難的!! 不過我仍然覺得最好笑既英文名第一位係" Hazel Wat", 第二位係"Bunny To", 哈哈哈哈............